Grek-rım kúresiniń sheberleri Álem kýbogynda 6-oryn aldy
ALMATY. 21 aqpan. QazAqparat /Erlik Erjanuly/ - 17-20 aqpan kúnderi Bakýde grek-rım kúresinen Álem kýbogy jarysy ótti.
Onda Muratbek Qasymhanov jattyqtyratyn Qazaqstan ulttyq quramasy A tobynda synǵa túsken bolatyn. jerlesterimiz bolgarlardy 7:0, armıandardy 5:2 esebimen utqanymen, Reseı, Ázirbaıjan jáne Túrkııa balýandaryna 3:4 esebimen ese jiberip aldy. Sonyń nátıjesinde úzdik bestikke Iran, Reseı, Belarýs, Ázirbaıjan, Túrkııa komandalary endi. Al odan keıingi oryndardy Qazaqstan, Armenııa, Kýba, Ońtústik Koreıa, Bolgarııa quramalary ózara bólisti. Jalpy bul dúbirli dodada el namysyn - Ashat Qudaıbergenov, Almat Kebisbaev, Darhan Baıahmetov, Aıbek Eńsehanov, Maqsat Erejepov, Dosjan Qartyqov, Alhazýr Ozdıev, Marǵulan Ásembekov pen Nurmahan Tinálıev qorǵaǵan bolatyn.
