Grek-rım kúresiniń qazaqstandyq sheberleri «Vehbı Emre» Golden Gran-prı jarysynda árbir qundylyqtaǵy medaldardyń úsheýin de qorjynǵa saldy
ALMATY. 30 qańtar. QazAqparat /Erlik Erjanuly/ - Grek-rım kúresinen Túrkııanyń Stambýl qalasynda ótken «Vehbı Emre» Golden Gran-prı birinshi jarsynda Qazaqstan quramasy jalpy komandalyq esepte úzdik bestiktiń qatarynan kórindi.
QR Kúres federatsııasynyń baspasóz qyzmeti taratqan habarlamaǵa qaraǵanda, onda Nurmahan Tinálıev 120 keli salmaqta chempıon atandy. Al 84 kelide Danııal Gadjıev kúmis jáne 74 kelide Áset Ádilov qola júldeniń ıesi atandy. Ózge salmaq dárejeleri boıynsha el namysyn qorǵaǵan Ashat Qudaıbergenov (55 kg), Almat Kebispaev (60 kg), Beıbit Nuǵymanov, Eldar Kaıratov, Darhan Baıahmetov (66 kg), Dosjan Kartıkov (74 kg), Alhazýr Ozdıev (84 kg) pen Marǵulan Ásembekov (96 kg) júldegerler qataryna ilinbedi. Onda jalpy komandalyq esepte 1, 2 jáne 3-inshi oryndardy Reseı, Túrkııa jáne Ázirbaıjan quramalary sáıkesinshe ıelendi.
