Grek-rım kúresinen Qazaqstan Respýblıkasy Prezıdenti Kýbogynyń qorytyndylary shyǵaryldy
ASTANA. Shildeniń 4-i. QazAqparat - Astana qalasyndaǵy «Dáýlet» sport kombınatynyń zalynda (Ulttyq tenıs ortalyǵy) grek-rım kúresinen Qazaqstan Respýblıkasy Prezıdentiniń Kýbogy aıaqtaldy, dep habarlady eloralyq týrızm, deneshynyqtyrý jáne sport basqarmasynyń baspasóz qyzmeti.
Saıystarda Reseı, Belarýs, Túrkııa, Ázirbaıjan, Ózbekstan, Qyrǵyzstan jáne eki Qazaqstan quramasynda 8 komandada 72 qatysýshy boldy. Týrınırdiń qurmetti qonaqtary - úsh márte Olıpıada chempıony. Reseı Batyry, Memlekettik Dýmanyń depýtaty Aleksandr Karelın, olımpıadalyq chempıon Mıhaıl Mamıashvılı, FILE bıýrosynyń múshesi Dáýlet Turlyhanov, QR Kúres federatsııasynyń prezıdenti Bekzat Sarmanov. QR men Ýkraına eńbek sińirgen jattyqtyrýshysy, QR sport qurmetti qaıratkeri. QR Tuńǵysh Prezıdentiniń alǵashqy jattyqtyrýshysy Lev Rýdolfovıch Ejevskıı, Belarýs kúres fderatsııasynyń prezıdenti ıÝrıı Chıj jáne basqa da qurmetti sport qaıratkerleri.
Jarystar kýbok júıesimen ótti. Birinshi týrda A tobyndpa Qazaqstan 1 jáne Reseı quramalary jeńiske jetti. Ekinshi týrdaǵy nátıjeler de osyndaı boldy. Úshinshi týrda eshqandaı nátıje bermedi.
Fınalda Qazaqstan-1 quramasy men belarýs komandasy synǵa tústi. Aldymen kilemge 55 kıládaǵy palýandar shyqty. Mádı Jarbolov eki kezeńde de Ivan Hýsovqa jol berdi. Alaıda 2010 jylǵy álem qola júldegeri 66 kılá salmaqtaǵy Nurbaqyt Teńizbaev qarsylasy Dmıtrıı Alenskııdi basymdyqpen jeńdi. 60 kıláda qazaqstandyq tańdaýly palýan, osy jylǵy Azııa oıyndarynyń kúmis júldegeri Aıbek Eńsehanov belarýstyq Mıhaıl Semenovten ústem boldy.
74 kılá salmaqta ótken jylǵy Azııa qola júldegeri Roman Meleshın belarýstyq Aleksandr Kıkınevten utylyp qaldy. Al qazaqstannyń qazirgi chempıony 84 kılá salmaqtaǵy Alhazýr Ozdıev Aleksandr Hrabıkti basymdyqpen utty. Al bıylǵy Azııa qola júldegeri Marǵulan Ásembekovten Tımofeı Deınıchenko kúshtirek bolyp shyqty.
Prezıdent Kýbogynyń taǵdyryn 120 kılá aýyr salmaqtaǵylar sheshti. «Ivan Poddýbnyı» gran-prıniń qola júldegeri Nurmahan Tinálıev fınalda Iossıf Chıgoshvlıldi 4:3 esebimen jeńip, mereıi ústem boldy.
Sóıtip, qazaqstandyqtar birinshi orynǵa shyqty. Ekinshi orynda - belarýstar, úshinshi orynda - reseılikter. Al ekinshi qazaqstandyq komanda 5 oryndy mise tutty.
