Grek-rım kúresinen Qazaqstan quramasy AQSh-taǵy básekeden jalpykomandalyq birinshi orynmen oraldy
ALMATY. 1 aqpan. QazAqparat - Grek-rım kúresinen Qazaqstan quramasy AQSh-tyń Kolorado Sprıngsinde ótken HV Deıv Shýlts memorıalynda jalpykomandalyq birinshi oryndy ıelendi.
Bul týraly QR grek-rım, erkin jáne áıelder kúresi federatsııasynan málim etti.
Qazaqstandyq grek-rımshiler Tańat Saǵyndyqovtyń basshylyǵymen alǵashqy jeńisine qol jetkizdi. Olar jeti salmaq dárejesi boıynsha ótken jarysta 2 altyn, 4 qola medal oljalady. Atap aıtqanda, Almat Kebispaev (60 kg) pen Dosjan Qartaıyqov (74 kg) altynmen aptalyp, Nursultan Qalmyrzaev (55 kg), Erbol Qońyratov (66 kg), Danııal Gadjıev (84 kg), Nurmahan Tinálıev (120 kg) kúmispen kúpteldi.
Nátıjesinde Qazaqstan quramasy 38 upaımen jalpykomandalyq esepte birinshi oryndy ıelendi. Úzdik úshtikke olardan basqa 20 upaımen Qytaı, 17 upaımen Lıtva quramalary endi.
