Grek-rım kúresinen Islam Evloev 82 kelide Azııa chempıony atandy
12 shildeden bastap kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty ótip jatyr.
Jarystyń besinshi kúninde grek-rım kúresinen 20 jasqa deıingi jastar 5 salmaq dárejesinde synǵa tústi. Olardyń arasynan qazaqstandyq bireýi chempıon atansa, tórteýi qola júldeni sarapqa saldy.
El quramasynan Islam Evloev (82 keli) fınalda qyrǵyz balýany Yrysbek Kalıevti 10:1 esebimen jeńip, Azııa chempıony atandy.
Al Samandar Madamınov (60 keli), Azız Ǵasymov (67 keli), Mereı Máýlitqanov (72 keli), ıÝsýf Matsıev (97 keli),úzdik úshtikten kórindi.
Osylaısha jalpykomandalyq esepte grek-rım kúresinen 20 jasqa deıingi jastar arasynda qazaqstandyq balýandar úshinshi orynnan kórindi.
Endi 17 shildede 20 jasqa deıingi jastar arasynda áıelder kúresinen 50, 55, 59, 68 jáne 76 kelide júldeler sarapqa salynady.
Eske salsaq, budan buryn Azııa chempıonatynda áıelder kúresinen elimizdiń 15 jasqa deıingi jasóspirimder quramasy 3 medal aldy.
Sondaı-aq,qurlyqtyq dodada grek-rım kúresinen elimizdiń 15 jasqa deıingi jasóspirimder quramasy 8 medal aldy.
Al qazaqstandyq eki balýan erkin kúresten Azııa chempıony atandy.
Azııa chempıonatynda 15 shildede grek-rım kúresinen qazaqstandyq balýandar 3 kúmis, 1 qola aldy.
Sýret - Qazaqstan kúres federatsııasy baspasóz qyzmeti