Grek-rım kúresinen Azııa chempıonatynda qazaqstandyq balýandar úsh kúmis, bir qola aldy
NUR-SULTAN. QazAqparat - Búgin Azııa chempıonatynda grek-rım kúresinen qazaqstandyq Nursultan Tursynov kúmis medal aldy, dep habarlaıdy QazAqparat tilshisi.
Qurlyqtyq doda Mońǵolııa astanasy Ulan-Batorda búgin jalaýyn kóterdi.
Atalǵan synda Nursultan Tursynov (87 keli) qyrǵyz balýany Melıs Aıtbekovpen jubanysh fınalynda qola júlde úshin beldesti. Nátıjesinde ol qarsylasyn 7:2 esebimen qapy qaldyryp, úzdik úshtikke turaqtady.
Aıta ketsek, N.Tursynov 2015 jyly Katarda ótken Azııa chempıonatynda kúmis medal ıegeri atanǵan edi.
Eske salsaq, budan buryn el quramasynan Amanǵalı Bekbolatov (55 keli), Meırambek Aınaǵulov (63 keli) ı Maqsat Erejepov (77 keli) kúmis medal aldy.
Endi qazaqstandyq Álimhan Syzdyqov (130 keli) ońtústik koreıalyq Mınsok Kımmen bas júldeni sarapqa salady.
Jarys kestesine sáıkes erteń, 20 sáýirde 60, 67, 72, 82 jáne 97 kelidegi sportshylar bozkilemge shyǵady.
Azııa chempıonatynda el namysyn 10 balýan qorǵaýda.
