Grek-rım kúresinen Azııa chempıonatynda Qazaqstan 1-oryn aldy
ASTANA. QazAqparat - Qyrǵyzstan astanasy Bishkek qalasynda ótken grek-rım kúresinen 23 jasqa deıingi sportshylar arasyndaǵy Azııa chempıonatynda el quramasy jalpykomandalyq esepte birinshi oryn aldy, dep habarlaıdy QazAqparat tilshisi kúres túrlerinen Qazaqstan federatsııasyna silteme jasap.
Qurlyqtyq dodaǵa barlyǵy 11 elden balýandar jınaldy. Olardyń arasynan qazaqstandyq balýandar 4 altyn, 5 kúmis júlde aldy.
El quramasynan Azamat Qurman (60 keli), Eldos Qamelov (72 keli), Saılaý Maqsat (87 keli) jáne Islam Umaev (97 keli) jeńimpaz tuǵyrynan kórindi.
Al Erbol Qamalıev (55 keli), Asaýhat Muhamadıev (63 keli), Syrym Sársen (67 keli), Islam Evloev (82 keli) jáne Djohar Ýzarov (130 keli) kúmis júldeger atandy.
