Grek-rım kúresinen Azııa chempıonatynda 4 qazaqstandyq fınalǵa shyqty
NUR-SULTAN. QazAqparat - Búgin Mońǵolııa astanasy Ulan-Batorda bastalǵan kúres túrlerinen Azııa chempıonatynda tórt qazaqstandyq balýan fınalǵa joldama aldy, dep habarlaıdy QazAqparat tilshisi.
Qurlyqtyq dodada jarystyń alǵashqy kúninde grek-rım kúresinen 55, 63, 77, 87 jáne 130 keli salmaq dárejesindegi balýandar sheberlik baıqasty. El quramasynan boz kilemge bes balýan shyqty. Olardyń qatarynan Amanǵalı Bekbolatov (55 keli), Meırambek Aınaǵulov (63 keli), Maqsat Erejepov (77 keli), Álimhan Syzdyqov (130 keli) fınalǵa joldama aldy.
Al Nursultan Tursynov (87 keli) endi qola medal úshin talasqa túsedi.
Endi fınalda Amanǵalı Bekbolatov ıÝ Shıotanımen, Meırambek Aınaǵulov qyrǵyzstandyq Tynar Sharshenbekovpen kezdesedi. Sondaı-aq, Maqsat Erejepov qyrǵyzstandyq Aqjol Mahmýdovpen, Álimhan Syzdyqov ońtústik koreıalyq Mınsok Kımmen bas júldeni sarapqa salady.
Al jubanysh fınalynda (qola júlde úshin beldesý) Nursultan Tursynov qyrǵyz balýany Melıs Aıtbekovke qarsylas atandy.
Fınal elorda ýaqytyman saǵat 16:00-de bastalady.
Jarys kestesine sáıkes erteń, 20 sáýirde 60, 67, 72, 82 jáne 97 kelidegi sportshylar bozkilemge shyǵady.
Azııa chempıonatynda el namysyn 10 balýan qorǵaýda.
Eske salsaq, budan buryn Qyzylordada aýyr atletıkadan QR chempıonaty bastaldy.
