Grek-rım kúresinen Azııa chempıonaty: Dıas Qalenge kúmis medal buıyrdy
ASTANA. QazAqparat - Astana qalasynda ótip jatqan grek-rım kúresinen eresekter arasynda Azııa chempıonatynda qazaqstandyq Dıas Qalen (82 keli) kúmis medal aldy, dep habarlaıdy QazAqparat tilshisi.
Qazaqstandyq sportshy fınalda qyrǵyz balýany Aqylbek Talantbekovke 2:3 esebimen jeńildi. Osylaısha ol ekinshi jyl qatarynan kúmis júldege qol sozyp otyr.
Ol qurlyqtyq dodada buǵan deıin ózbekstandyq Mýhammodkodır Rasýlovty, japonııalyq ıÝıa Maetany jeńip ketti.
Sondaı-aq, Oljas Syrlybaı (97 keli) qola júldeger atandy. Ol 3-oryn úshin saıysta úndistandyq Narınder Chemany jeńdi. Qyzylordalyq balýan shırek fınalda qyrǵyzstandyq Ýzýr Júsipbekovten jeńilip qalsa, jubanysh beldesýinde ońtústik koreıalyq Seıeol Lıden basym tústi.
Buǵan deıin búgin el quramasynan Ibragım Magomadov (72 keli) altyn alsa, Almat Kebispaev (67 keli) qola júldeger atandy.
Eske salsaq, grek-rım kúresinen jarystyń alǵashqy kúninde Nursultan Tursynov (87 keli) kúmis júldeger bolsa, Amanǵalı Bekbolatov (55 keli) pen Muhamedali Mamyrbek (63 keli), Álimhan Syzdyqov (130 keli) qola júlde aldy.
Endi 11-12 sáýirde áıelder, 13-14 cáýirde erkin kúresten saıystar ótkiziledi.
