Grek-rım kúresinen Azııa birinshiliginde úsh qazaqstandyq kúmis medal aldy
NUR-SULTAN. QazAqparat - Búgin Mońǵolııa astanasy Ulan-Batorda jalaýyn kótergen kúres túrlerinen Azııa chempıonatynda grek-rım kúresinen úsh qazaqstandyq balýan kúmis medal aldy, dep habarlaıdy QazAqparat tilshisi.
Fınalda Amanǵalı Bekbolatov (55 keli) japonııalyq ıÝ Shıotanıge, Meırambek Aınaǵulov (63 keli) qyrǵyzstandyq Tynar Sharshenbekovke ese jiberdi.
Sondaı-aq, Maqsat Erejepov (77 keli) qyrǵyzstandyq Aqjol Mahmýdovqa jol berdi.
Endi el quramasynan Álimhan Syzdyqov ońtústik koreıalyq Mınsok Kımmen bas júldeni sarapqa salady.
Al jubanysh fınalynda (qola júlde úshin beldesý) Nursultan Tursynov qyrǵyz balýany Melıs Aıtbekovpen kezdesedi.
Eske salsaq, jarys kestesine sáıkes erteń, 20 sáýirde 60, 67, 72, 82 jáne 97 kelidegi sportshylar bozkilemge shyǵady. Azııa chempıonatynda el namysyn 10 balýan qorǵaýda.
