Grek-rım kúresinen Aıdos Sultanǵalı Azııa chempıony atandy
NUR-SULTAN. QazAqparat - Qazaqstandyq balýandar Almatyda kúres túrlerinen ótip jatqan Azııa chempıonatynda júldegerler qatarynan kórindi, dep habarlaıdy QazAqparat.
Grek-rım kúresinen 60 kelige deıingi salmaqta Aıdos Sultanǵalı chempıondyq ataqqa qol jetkizdi. Ol fınalda ırandyq Mehdı Nıjadty 8:4 esebimen tize búktirdi. Qazaqstandyq balýan buǵan deıin shırek jáne jartylaı fınal satysynda Ońtústik Koreıa jáne Irak balýandaryn qapy qaldyryp ketti.
Qyzylorda oblysynyń ókili 2015 jyly jasóspirimder, 2016 jyly jastar arasynda Azııa chempıony boldy. Al 2017 jyly jabyq keshendegi Azııa oıyndarynyń jáne Álem chempıonatynyń qola júldegeri, 2018 jyly eresekter arasynda Əlem chempıonatynyń qola júldegeri atandy. Sondaı-aq, 2019 jyly Búkilálemdik áskerıler oıynynyń qola júldesin ıelendi.
Azııa birinshiliginde keshe 63 kelige deıingi salmaqta Sultan Ásetuly jeńimpaz tuǵyrynan kórindi.
Al 57 kelide Almat Kebisbaev pen 130 kelide Álimhan Syzdyqov týrnırdiń kúmis júldeger atandy.
Aıta keteıik, 13 sáýirde Almatyda kúres túrlerinen Azııa chempıonaty bastalǵan edi.
