Grek-rım kúresinen álem chempıonatyna qatysatyn balýandar belgili boldy
NUR-SULTAN. QazAqparat - 14 qyrkúıek kúni Nur-Sultanda kúres túrlerinen lıtsenzııalyq álem chempıonaty bastalady, dep habarlaıdy QazAqparat olympic.kz-ke silteme jasap.
Elorda tórindegi álemdik synǵa qatysatyn grek-rım kúresinen Qazaqstan quramasy anyqtaldy. Alaıda, eki salmaq boıynsha kimderdiń qatysatyny áli belgisiz. 60 jáne 82 kelige deıingi salmaqta el namysyn naqty kimderdiń qorǵaıtyny jaqyn kúnderi anyqtalmaq. 60 kelide Meırambek Aınaǵulov pen Aıdos Sultanǵalıdiń birine tańdaý tússe, 82 kelide Mıras Barshylyqov pen Maqsat Erejepov chempıonat joldamasyna talasady.
Grek-rım kúresinen Qazaqstan komandasynyń tizimi:
55 keli: Qorlan Jaqansha
60 keli: Meırambek Aınaǵulov/Aıdos Sultanǵalı
63 keli: Almat Kebispaev
67 keli: Meıirjan Shermahanbet
72 keli: Demeý Jadyraev
77 keli: Ashat Dilmuhamedov
82 keli: Mıras Barshylyqov/Maqsat Erejepov
87 keli:Azamat Kústibaev
97 keli: Erulan Ysqaqov
130 keli: Damır Kúzembaev
