Grek-rım kúresi: Taǵy bir otandasymyz Tashkentte top jardy
ASTANA. QazAqparat - Tashkentte kúres túrlerinen ótip jatqan kadetter arasyndaǵy Azııa chempıonatynda grek-rım kúresi balýandarynyń qorjyny taǵy bir altyn medalmen tolyqty, dep habarlaıdy QazAqparat tilshisi.
QR Kúres túrleri federatsııasynyń baspasóz qyzmeti taratqan málimetterge súıensek, 65 keli salmaqta el namysyn qorǵaǵan Abdıazım Karabaev fınalda qyrǵyzstandyq Baqdáýlet Egemberdıevti jeńip, Azııa chempıony atandy. Ol irikteý kezeńinde Qytaı jáne Iran elderiniń balýandarynan basym tústi.
71 keli salmaqta kúresken Veısal Eıýbov Azııa chempıonatynyń qola júldegeri atandy. Úshinshi oryn úshin bolǵan beldesýde Eıýbov Koreıa balýanyn utty.
Komandalyq esepte grek-rım kúresiniń balýandary 138 upaımen ekinshi orynǵa ıe boldy. Iran 180 upaımen birinshi oryn alsa, Ózbekstan quramasy 135 upaımen úzdik úshtikti qorytyndylady.
Qyzdar arasyndaǵy básekede 40 keli salmaqta kúresken Maral Táńirbergenova Azııa chempıonatyn qola medalmen aıaqtady. Maral úshinshi aınalymda mońǵolııalyq balýannan utylǵanymen qola medal úshin bolǵan beldesýde japonııalyq boıjetkendi jeńdi.
Esterińizge sala keteıik, osyǵan deıin otandastarymyz atalǵan dodada 1 altyn, 1 kúmis jáne 1 qola medal jeńip alǵany týraly habarlaǵan bolatynbyz.
