Grek-rım kúresi: Qazaqstandyq balýandar el qorjynyna alǵashqy altyn, kúmis jáne qola júldeni saldy
ALMATY. 1 maýsym. QazAqparat - Keshe Almatyda grek-rım kúresinen jastar arasyndaǵy Azııa chempıoatynyń alǵashqy jeńimpazdary belgili boldy.
Onda Azamat Qustybaev (74 kg) Azııa chempıony, Mıhaıl Izotov (96 kg) pen Jánibek Qandybaev (66 kg) kúmis, Tımýr Tashmaǵambetov (84 kg), Dastan Óskenbekov (55 kg), Danııar Kálenov (60 kg) qola júldeger atandy. Búgin endi 50 jáne 120 kelidegi balýandar óz kúshin synaýda. Aǵa bapker Nurym Dúısenov onda el namysyn .Asqar Saltebaev pen Erkin Sháıkenovke senip tapsyryp otyr. Onda sondaı-aq, áıelder kúresinen aǵa bapker Bolat Nurmaǵambetovtiń shákirtterinen Aıdana Óteǵulova (44 kg), Aımangúl Tóleýhan (51 kg), Aıaýlym Qasymova (59 kg) men Gúlmaral Erkebaeva (67 kg) óz beldesýlerin ótkizýde.
