Grek-rım kúresi: Halyqaralyq týrnırde Aıdos Sultanǵalı chempıon atandy

ASTANA. QazAqparat - Germanııanyń Dortmýnd qalasynda ótip jatqan grek-rım kúresinen «Grand Prix of Germany» halyqaralyq týrnırinde qazaqstandyq Aıdos Sultanǵalı (60 keli) chempıon atandy, dep habarlaıdy QazAqparat tilshisi.

13 tamyzda bastalǵan týrnırdiń alǵashqy kúninde aldyn ala beldesýler ótip, fınalǵa joldama alǵan balýandar anyqtaldy.

El quramasynan Aıdos Sultanǵalı (60 keli) fınalda AQSh balýany Eldar Hafızovpen sheberlik baıqasty.

Qyzylorda oblysynyń atynan synǵa túsken balýan qarsylasynan 7:0 esebimen basym túsip, halyqaralyq týrnırdiń jeńimpazy atandy.

Al astanalyq Marlan Muqashev fınalda ýkraın Nıkıta Dementevke ese jiberip, kúmis júlde ıelendi.

Sondaı-aq, shymkenttik Meırambek Shermaǵanbet (67 keli), qaraǵandylyq Ibragım Magomadov (72 keli), Almaty oblysynan Demeý Jadraev (77 keli), shymkenttik Álimhan Syzdyqov (130 keli) qola júldeger atandy.

Bul jarys - grek-rım kúresinen ulttyq qurama bapkeri ıÝrııa Melnıchenkonyń tusaýkeser týrnıri.

Ulttyq qurama Germanııadan keıin birlesken oqý-jattyǵý jıynyn ótkizý maqsatynda Ázerbaıjan eline attanady.