Grek-rım kúresi: Álem chempıonatynda búgin tórt qazaqstandyq balýan shyǵady
NUR-SULTAN. QazAqparat - Búgin Serbııa astanasy Belgrad qalasynda ótip jatqan kúres túrlerinen álem chempıonatynda grek-rım kúresinen tórt qazaqstandyq balýan alǵashqy beldesýlerin ótkizedi, dep habarlaıdy QazAqparat tilshisi.
El quramasynan búgin Ǵalym Qabdýnasarov (63 keli), Din-Muhamed Qoshqar (67 keli), Dıas Qalen (82 keli), Islam Ýmaev (97 keli) bozkilemge shyǵady.
Ǵalym Qabdýnasarov 1/8 fınalǵa joldamany bolgarııalyq Nıkolaı Ivanov Vıchevpen sarapqa salsa, Din-Muhamed Qoshqar frantsııalyq Mamadas Sıllamen sheberlik baıqasady.
Al Dıas Qalenniń qarsylasy - ózbekstandyq Jalgasbaı Berdimuratov bolsa, Islam Ýmaev ózbekstandyq Rýstam Assakalovpen taıtalasqa túsedi.
Sondaı-aq, búgin qazaqstandyq Amanǵalı Bekbolatov (55 keli) qola medal úshin jubanysh beldesýin ótkizedi. Ol keshe, 10 qyrkúıekte jartylaı fınalda grýzııalyq Nýgzarı Tsýrtsýmııge jol berip qoıdy.
Al Ibragım Magomadov (72 keli) 1/8 fınalda ázerbaıjandyq Ýlve Ganızadege jeńilip qalǵan edi. Atalǵan qarsylasy fınalǵa shyǵýyna baılanysty endi qazaqstandyq balýan jubanysh beldesýinde bolgarııalyq Devıd Dımıtrovpen kezdesedi.
Qazaqstandyq taǵy bir sportshy Tamerlan Shadýkaev (77 keli)jubanysh beldesýinde jeńisk jetse, serbııalyq Vıktora Nemespen qola júldeni sarapqa salady.
El quramasynan Nursultan Tursynov (87 keli) jarys jolyn erte aıaqtady.
Aıta ketsek, kúres túrlerinen álem chempıonaty 10-18 qyrkúıek aralyǵynda ótkiziledi .
Foto: olympic.kz
