Grek-rım kúresi sheberleri Azııa chempıonatyn 1 altyn, 3 qolamen aıaqtady
ASTANA. KAZINFORM — Qyrǵyzstan astanasy Bishkek qalasynda grek-rım kúresinen Azııa chempıonaty qorytyndylandy.
Sary qurlyq dodasynda erlegen, ásirese, Almatbek Amanbek boldy. Ol 72 kelige deıingi salmaqta ırandyq Mohammad Djavad Saadat Rezaıdiń jaýyrynyn jer ıisketti.
Rezaı bıyl Tıranada (Albanııa) Muhamet Malony eske alýǵa arnalǵan halyqaralyq týrnırde top jarǵan edi. Almatbek onda besinshi oryndy mise tutqan bolatyn. Qazaqstandyq balýan sonda ketken eseni Bishkekte qaıtardy.
Qazaqstan quramasynan sondaı-aq Nursultan Tursynov, Ibragım Magomadov jáne Islam Evloev qola júldege ıe boldy.
Osylaısha, grek-rım kúresi sheberleri Azııa chempıonatyn 1 altyn, 3 qola júldemen támamdady.
Jalpykomandalyq esepte Qyrǵyzstan quramasy kósh bastady. Qyrǵyzstandyq tórt birdeı balýan Azııa chempıony atandy.
Qazaqstan Iran men Ózbekstannan keıin tórtinshi orynǵa turaqtady.
Eske sala keteıik, budan buryn qazaqstandyq balýannyń Azııa chempıonatynyń fınalyna shyqqanyn jazǵan bolatynbyz.
