Grek-rım kúresi: Qazaqstandyq balýandar Azııa chempıonatynda bes altyn aldy

ASTANA. KAZINFORM — Qyrǵyzstannyń Bishkek qalasynda grek-rım kúresinen 15 jasqa deıingiler arasynda Azııa chempıonatynda qazaqstandyq balýandar toǵyz medal jeńip aldy.

Otandastarymyz qurlyqtyq dodada bes altyn, tórt kúmis medal enshiledi. Osy jetistiktiń arqasynda qurama qurlyqtyq birinshilikte jalpykomandalyq esepte birinshi oryndy ıelendi.

Altyn

Pahıtjan Nurıslam (38 kg)

Almas Álı (41 kg)

Amanali Dıar (48 kg)

Ermek Samǵa (52 kg)

Tólesh Marlen (57 kg)

Kúmis

Sársenbaı Sultanbek (44 kg)

Muratov Ádiljan (68 kg)

Serik Temirlan (75 kg)

Málik Islam (85 kg)

Eske salsaq, budan buryn Vetnamnyń Výngtaý qalasynda kúresten 17 jáne 23 jasqa deıingi sportshylar arasyndaǵy Azııa chempıonatynda qazaqstandyq balýandar 13 altyn medal jeńip aldy.