Grek-rım kúresi: Qazaqstandyq balýan Azııa chempıonatynyń fınalyna shyqty

ASTANA. KAZINFORM – Qazaqstandyq balýan ıÝsýf Matsıev Bishkek qalasynda ótip jatqan kúres túrlerinen Azııa chempıonatynyń fınalyna shyqty.

Grek-rım kúresinen 97 keli salmaqta el namysyn qorǵap júrgen otandasymyz jartylaı fınalda qytaılyq balýandy aıqyn basymdyqpen utyp, saryqurlyq dodasynyń fınalyna shyqty. Matsıev qytaılyq Haýjı Haýdy 8:0 esebimen jeńdi. Endi otandasymyz fınalda Olımpıada oıyndarynyń qola júldegeri jáne Álem Chempıony ırandyq Mohamedhadı Saravımen altyn júldeni sarapqa salady.

Fınaldyq básekeler Astana ýaqytymen 17:00 de bastalady.

Sonymen qatar búgin taǵy eki qazaq balýany qola medalǵa talasady. 

Atap aıtsaq, 60 keli salmaqta beldesken Ǵalym Qabdýnasyrov Saryqurlyq dodasynyń jartylaı fınalynda japonııalyq Kaııto Inabaǵa 4:8 esebimen jeńilip qaldy. Endi ol qola júlde úshin taǵy bir márte bozkilemge kóteriledi. 

Al 72 keli salmaqta el namysyn qorǵap júrgen taǵy bir balýanymyz Ádilhan Sataev fınal joldamasy úshin aıqasta ırandyq Muhammedrıza Rostamıden 0:10 esebimen jol berdi. Endi Sataevta qola júlde úshin synǵa túsedi.

Esterińizge sala keteıik, búgin Azııa birinshiliginiń sońǵy kúni. Grek-rım kúresinen keshe el namysyn bes balýan qorǵap, 1 altyn, 1 kúmis, 1 qola medal jeńip alǵan bolatyn. Altyn júldeni Erjet Jarlyqasyn (63 keli) ıelense, Nursultan Tursynov (87 keli) kúmis, Ibragım Magomadov (77 keli) qola júlde jeńip aldy.