Grek dıplomattary Ázerbaıjannyń kómegimen Irannan evakýatsııalandy

ASTANA. KAZINFORM — Shetel azamattaryn Ázerbaıjannyń memlekettik shekarasyndaǵy «Astara» baqylaý-ótkizý pýnkti arqyly evakýatsııalaý protsesi jalǵasyp jatyr, dep habarlaıdy AZERTADJ.

Kezekti top quramynda Irandaǵy Grekııanyń dıplomatııalyq ókildiginiń qyzmetkerleri de evakýatsııalandy.

AZERTADJ aımaqtyq tilshisiniń habarlaýynsha, evakýatsııa tolyq qaýipsizdik sharalary qamtamasyz etilgen jaǵdaıda, aldyn ala kelisilgen tártip pen rásimderge sáıkes júzege asyryldy. Grek dıplomattaryn «Astara» baqylaý-ótkizý beketinde ázerbaıjandyq tarap jyly qabyldap, olardyń qujattaryn tekserip, alǵashqy medıtsınalyq tekserýden ótkizdi. Budan keıin evakýatsııalanǵandar arnaıy kólikpen Baký qalasyna jetkizildi.

Aıta ketý kerek, sońǵy kúnderi Ázerbaıjan birqatar elderdiń azamattary men dıplomattarynyń Irannan qaýipsiz evakýatsııalanýyn qamtamasyz etti. Bul Ázerbaıjannyń halyqaralyq qaýymdastyqtyń senimine qaıta ıe bolǵanyn kórsetedi. Sonymen qatar, bul protsess Ázerbaıjannyń gýmanıtarlyq qaǵıdattarǵa berilgendigin jáne óńirlik turaqtylyqty qamtamasyz etýge qosqan úlesin aıqyn dáleldeıdi.

Buǵan deıin Ázerbaıjan shekarasy arqyly Irannan 6 qazaqstandyq evakýatsııalanǵanyn jazǵan edik.

20 maýsymda Qazaqstan Respýblıkasynyń Syrtqy ister mınıstrligi úılestirilgen evakýatsııalyq is-sharalar sheńberinde Izraılden 66 otandasty (Mysyr aýmaǵy arqyly), Irannan 78 azamatty (Armenııa arqyly – 73, Ázerbaıjan – 2, Túrikmenstan – 3) shyǵardy.