Green Mart murnyn syndyryp alǵan astanalyqqa ótemaqy tóleıdi
ASTANA. QazAqparat - Astana turǵyny «Green Mart» saýda úıine kirip jatqanda «muryn qalqasynyń jabyq synyǵy» jaraqatyn aldy, dep habarlady Astana qalasy sotynyń baspasóz qyzmetinen.
Oqıǵa ornyna jedel medıtsınalyq kómek kórsetý úshin jedel járdem jetti. Qalalyq emhananyń LOR bólimshesiniń anyqtamasyna sáıkes, naýqasty shuǵyl túrde emdeý kerek boldy.
Aıyptalýshy daýdy retteý úshin shaǵymdanýshyǵa somasy 30 000 teńgeni quraıtyn azyq-túlik usyndy. Shaǵymdanýshy budan bas tartty.
Astana q. Almaty aýdandyq soty shaǵymdy ishinara qanaǵattandyryp, «Green Mart saýda jelisi» JShS-dan materıaldyq shyǵyn retinde 5 000 teńge, moraldyq zalal úshin 150 000 teńge óndirdi.
Sheshim zańdy kúshine endi.
