Green Card lotereıasyna qatysý aqyly bolady
ASTANA. KAZINFORM – 2025 jyldyń 16 qazanynan bastap Green Card lotereıasyna (DV lotereıasyna) qatysýshylar $1 mólsherinde jańa tirkeý jarnasyn tóleýge mindetti, dep habarlaıdy Kazinform.
Bul týraly AQSh federaldy tiziliminiń saıtynda habarlandy.
Osylaısha, kelesi aıdan bastap AQSh-ta turaqty turý múmkindigin usynatyn jyl saıynǵy lotereıany tirkeý úshin 1 dollarlyq jarna tek baǵdarlama jeńimpazdarynan ǵana emes, barlyq qatysýshydan alynady.
Atalǵan ózgeris lotereıany basqarý shyǵyndaryn neǵurlym ádil bólýge baǵyttalǵan. Buryn bul shyǵyndar baǵdarlama jeńimpazdary esebinen ótelip keldi. Endi az ǵana tólem barlyq qatysýshy arasynda bólinedi.
Sondaı-aq osy bastama eshteńeden kúdigi joq áleýetti qatysýshylardy óz múddesi úshin paıdalanǵysy keletin jeke tulǵalardyń jalǵan tirkeýleriniń sanyn azaıtýǵa kómektesedi.
AQSh jyl saıyn sheteldiktiń Shtattarda turaqty turý jáne jumysqa ornalasý quqyǵyn kýálandyratyn 50 myń jasyl kartany oınatyp keledi. Lotereıa kezdeısoq oınatylady, biraq utqannan keıin úmitkerler ımmıgratsııalyq úlgini toltyrýy, suhbattasýy jáne medıtsınalyq tekserýden ótýi tıis.
Memlekettik departamenttiń málimetinshe, jyl saıyn lotereıaǵa shamamen 25 mln adam qatysyp júr.
Buǵan deıin AQSh elge kóshkisi keletinderge «altyn kartalardy» usynatynyn jazǵan bolatynbyz.