Gretsııada sý tasqynynan tarıhı kópir qırady
ASTANA. QazAqparat - Gretsııanyń soltústik-shyǵysymen Albanııanyń ońtústiginde tolassyz quıǵan nóser jańbyrdan júzdegen adam qutqaryldy, dep habarlady VVS.
Nóser jańbyr Gretsııanyń Epırýs provıntsııasynda senbi kúni bastalǵan. Jeksenbi kúni tórt ózen arnasynan shyǵyp ketti. Sý tasqynynan XVIII ǵasyrda salynǵan ataqty Plaka kópiri qıraǵan.
Albanııanyń ońtústiginde tolassyz quıǵan jańbyrdan ózender arnasynan shyǵyp, aýyl sharýashylyǵynyń egis alqaptaryn jaılap ketti. Polıtsııa men ásker jergilikti turǵyndardy qutqarý jumystaryn júrgizip jatyr.
