Gretsııa premer-mınıstriniń kabınetine avtomattan oq jaýdyryldy
ASTANA. 14 qańtar. QazAqparat - Belgisizder Afınada «Jańa demokratııa» partııasynyń shtab-páterine avtomattyq qarýdan oq jaýdyrdy.
Polıtsııanyń bergen málimetterine qaraǵanda, shabýyl jasaýshylardyń nysanasy eldiń qazirgi premer-mınıstri Antonıos Samarastyń kabıneti boldy.
Grekııalyq BAQ-tardyń habarlaýynsha, jeksenbiden dúısenbige qaraǵan túni qylmyskerler ǵımaratqa kólikpen kelip, keńsege oq jaýdyrǵan. Keıin oqıǵa ornynda polıtseıler 9 oqtyń izin tapty. Abyroı bolǵanda tótenshe jaǵdaı saldarynan eshkim zardap shekken joq.
Tańǵa jýyq qylmyskerler oqıǵa ornynan izin sýytqan kóliktiń janyp ketken qańqasy tabyldy.
Premer-mınıstrdiń baspasóz hatshysy málimdeme jasap úlgerdi. Onyń sózine qaraǵanda, atystar grek demokratııasyna qarsy baǵyttalǵan.
Ázirge grekııalyq uıymdardyń eshbiri túngi shabýyldy óz moınyna alǵan joq.
