«Grantým» jınaqtaýshy zeınetaqy qoryna jańa prezıdent saılandy
ALMATY. Sáýirdiń 6-sy. QazAqparat /Erlik Erjanuly/ - «Grantým» jınaqtaýshy zeınetaqy qory» AQ-na Nurlan Qadyruly Nıetbaev prezıdent bolyp saılandy,
dep habarlaıdy QazAqparat qordyń baspasóz qyzmetine silteme jasap.
Dırektorlar keńesiniń naýryzdyń 25-indegi sheshimi boıynsha Nurlan Qadyruly bul qyzmetke sáýirdiń 1-inde taǵaıyndaldy. 1969 jyly Shyǵys Qazaqstan oblysynda ómirge kelgen N. Nıetbaev 1994 jyly Qazaq memlekettik basqarý akademııasyn «Qarjy jáne nesıe» mamandyǵy boıynsha úzdik dıplommen támamdaıdy. Sondaı-aq «Qazaqstannyń damý banki», «Eksporttyq kredıtterdi jáne ınvestıtsııalardy saqtandyrý jónindegi memlekettik saqtandyrý korporatsııasy» jáne «Shaǵyn kásipkerlikti damytý qory» AQ-darynda jetekshi qyzmetterdi atqaryp keldi.
«Meniń aldymda kúrdeli másele tur. Ol - tabysty, turaqty Qordy burynǵydan da joǵary qarqynmen damıtyn qarjy uıymyna aınaldyrý. Biz kúsh-jigerimizdi burynǵysynsha óz qyzmet kórsetýimizdiń sapasyn arttyrýǵa jumsaıtyn bolamyz jáne óz salymshylarymyzdyń jınaqtalǵan zeınetaqy qarajatyn jınap, turaqty túrde kóbeıtip turýǵa negizdelgen ınvestıtsııalyq saıasatty ustanamyz. Aldymyzǵa qoıǵan maqsattarǵa jetý jolyndaǵy birden-bir mańyzdy qadamdardyń biri qor aktsıonerleriniń jarǵylyq kapıtaldy 3,2 mıllıard teńgege deıin arttyrý týraly sheshimi boldy», deıdi Nurlan Nıetbaev. Bul qordyń menshikti kapıtalyn 2,8-den 5 mıllıard teńgege deıin arttyrýǵa jáne joǵary qarqynmen kóbeıip kele jatqan salymshylardyń senimdiligi men turaqtylyǵyn nyǵaıta túsýge múmkindik beredi.
«Grantým» JZQ» AQ búgingi tańda aktıvteriniń kólemi boıynsha respýblıkada alǵashqy bestikke kiredi. Jınaqtalǵan zeınetaqy qarajaty 114 mıllıard teńgeni quraıtyn 200 myń salymshyǵa qyzmet kórsetetin qordyń 11 jyldyq tájirıbesi bar.
