Granttar jáne shákirtaqyǵa ústeme - Mınıstrlik jastardy qoldaý tetikterin atady

ASTANA. QazAqparat - QR Qarjy vıtse-mınıstri Tatıana Saveleva naqtylanǵan respýblıkalyq bıýdjet boıynsha jastardy qoldaý úshin qarajat qandaı baǵytta jumsalatynyn atady, dep habarlaıdy QazAqparat tilshisi.

«Naqtylanǵan bıýdjet jobasyna Jastar jylyna baılanysty tolyqtyrýlar engizildi. Atalmysh baǵytta, ıaǵnı jastardy qoldaý úshin respýblıkalyq bıýdjetten qosymsha 24,6 mlrd teńge bólý qarastyrylǵan», - Tatıana Saveleva Parlament Májilisiniń QR-nyń 2019-2023 jyldarǵa arnalǵan áleýmettik-ekonomıkalyq damý boljamyn naqtylaýǵa arnalǵan otyrysy barysynda

Onyń aıtýyna qaraǵanda, jalpy 10,7 mlrd teńgeni quraıtyn «Jas kásipker» baǵdarlamasyn júzege asyrý kózdelgen. ıAǵnı, bul baǵytta «Bastaý bıznes» jobasy boıynsha jastardy oqytý oryndarynyń sany 15 myńǵa kóbeımek. Ol kýrstarda jastarǵa bıznes-jospar qurý sekildi mańyzdy taqyryptar úıretiledi.

«Aldaǵy ýaqytta 18-29 jas aralyǵyndaǵy 200 adamǵa 3 mıllıon teńgelik grant bólý josparlanyp otyr. Bul úshin «Bıznestiń jol kartasy» baǵdarlamasy sheńberinde 600 mln teńge shyǵyndaý kerek bolady. Granttar ınnovatsııalyq, ІT jáne qajettiligi joǵary bıznes-jobalarǵa bólinedi. Bul baǵyttaǵy jumys kásipkerlik turǵyda joǵary áleýeti bar jastardy qoldaýǵa sep bolady», - deıdi Qarjy mınıstriniń orynbasary.

Sonymen birge, «Eńbek» jappaı kásipkerlik pen tıimdi jumyspen qamtý memlekettik baǵdarlamasy sheńberinde bıznes-ıdeıalar boıynsha 9 myń memlekettik grant bólinedi.

«Granttar «Bıznes-bastaý» jobasy boıynsha kásipkerlik negizderi kýrsynan ótken jastarǵa beriledi. Sonymen qatar, «Jas maman» jobasy sheńberinde bıyl 8 mlrd teńgege 180 kolledj, jańǵyrtylady. Ol qarajattyń 7,3 mlrd teńgesi materıaldyq-tehnıkalyq bazany qajettilikpen qamtamasyz etýge jumsalady. Búgingi kúni QR Bilim jáne ǵylym mınıstrligi kolledjerdi tıisti qurylǵylarmen qamtamasyz etý suraqtaryn pysyqtaýda», - deıdi ol.

Sonymen qatar, sheteldik mamandardy tartýǵa 720 mln teńge jumsalady. Vıtse-mınıstrdiń aıtýynsha, bul jumys kolledj qyzmetkerlerin jabdyqpen jumys isteýge jáne satyp alynǵan jabdyqtarǵa qatysty bilim berý baǵdarlamalaryn qaıta baǵyttaýǵa múmkindik beredi.

«Sonymen birge, bıyl mektepte, balabaqshalarda, arnaıy mektepterde, jastardy qoldaý ortalyqtarynda, qarttar úıinde qoǵamdyq paıdaly jumystarmen aınalysatyn 10 myń stýdenttiń shákirtaqysyn 30 paıyzǵa nemese 6 285 teńgege ósirý úshin 250 mln teńge baǵyttalady», - deıdi vıtse-mınıstr.

Eske sala ketsek, Elbasy Jarlyǵymen 2019 jyl Jastar jyly bolyp jarııalanǵan boaltyn.