Granttar bólýde stýdentterdiń áleýmettik jaǵdaıy eskeriletin bolady - A. Sárinjipov
ASTANA. QazAqparat - QR Bilim jáne ǵylym mınıstrligi memlekettik bilim granttaryn bólýdiń jańa modelin ázirleýdi josparlap otyr. Bul týraly búgin QR Bilim jáne ǵylym mınıstri Aslan Sárinjipov L. Gýmılev atyndaǵy Eýrazııa ulttyq ýnıversıtetinde ótip jatqan vedomstvonyń keńeıtilgen otyrysynda aıtty.
«Biz memlekettik granttar bólýdiń jańa modelin ázirleýdi josparlaýdamyz. Onda stýdentterdiń bilim deńgeıi ǵana emes, sonymen qatar olardyń áleýmettik jaǵdaıy da eskeriletin bolady», - dedi mınıstr óz baıandamasynda.
Onyń aıtýynsha, 2015 jyly joǵary bilim berý salasynyń negizgi maqsaty stýdentterdi áleýmettik jaǵynan qoldaýǵa, eńbek naryǵymen baılanysta bolýǵa jáne JOO-lardy basqarý júıesin damytýǵa baǵyttalmaq.
