Grant konkýrsyna ótinish qabyldaý bastaldy

Qujattardy joǵary oqý oryndaryndaǵy qabyldaý ortalyqtary arqyly oflaın (vırtýaldy qabyldaý komıssııalary arqyly onlaın) nemese eGov arqyly onlaın tapsyrýǵa bolady.

Grant konkýrsyna qatysý úshin talapkerler jeke kýálik, UBT sertıfıkatyn, 3h4 kólemindegi foto, orta bilim týraly attestat (tehnıkalyq jáne kásiptik bilim berý uıymdarynyń túlekteri úshin dıplom) tapsyrý kerek. Sondaı-aq bar bolǵan jaǵdaıda jeńildetilgen sanat boıynsha konkýrsqa qatysý úshin rastaıtyn qujattar usynylady.

Ǵylym jáne joǵary bilim mınıstrligi málimetinshe, bilim berý granttary konkýrsyna qatysý jáne aqyly negizde oqýǵa túsý úshin UBT nátıjeleri boıynsha kelesi shekti baldar belgilengen:

✔ «Pedagogıkalyq ǵylymdar» jáne «Quqyq» baǵyttary boıynsha – keminde 75 ball;

✔ «Densaýlyq saqtaý» baǵyty boıynsha – keminde 70 ball;

✔ «Aýyl sharýashylyǵy jáne bıoresýrstar» men «Veterınarııa» baǵyttary boıynsha – keminde 50 ball;

✔ ulttyq joǵary oqý oryndaryna túsý úshin – keminde 65 ball;

✔ basqa joǵary oqý oryndaryna túsý úshin – keminde 50 ball.

Esterińizge sala ketsek, joǵary oqý oryndary bilim berý granttaryn taǵaıyndaý konkýrsyna qatysý jáne aqyly negizde oqýǵa qabyldaý úshin óz shekti baldaryn ózderi belgileýge quqyly.

Aýyldyq jerlerden shyqqan jáne áleýmettik osal toptarǵa jatatyn talapkerlerdi qoldaý maqsatynda qabyldaý naýqany aıasynda arnaıy sharalar qarastyrylǵan. Atap aıtqanda, granttar konkýrsyna qatysý barysynda memleket bekitken kvotalar bar.

Aıta keteıik, 2026 jyly «Tsıfrlyq ýnıversıtet» qaǵıdatyn júzege asyrý jalǵasady: úderisterdiń basym bóligi avtomattandyrylǵan, bul konkýrstyq irikteýdiń ashyqtyǵyn arttyrady.

Bilim berý granty ıegerleriniń tizimi 10 tamyzǵa deıin jarııalanady.

Qazaqstan jyl saıyn joǵary bilimi bar mamandar daıarlaýǵa ondaǵan mıllıard teńge bóledi. Segiz jylda memlekettik grant sany 51 myńnan 78 myńǵa ósti. Degenmen, budan ekonomıkaǵa qajet mamandar shyǵyp jatyr deı alamyz ba? Kazinform tilshisi suraqtyń jaýabyn izdep kórdi.