Grant ıegerleri keminde úsh jyl mamandyǵy boıynsha jumys isteýge mindetti bolmaq
Osyndaı normany qarastyryp otyrǵan "QR keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly" QR zańynyń jobasy búgin QR Parlamenti Májilisiniń birinshi oqylymynda maquldandy.
Zań jobasy qorytyndysynda atap kórsetilgenindeı, qazirgi tańda memleket bilim berý uıymdaryna memlekettik bilim tapsyrysymen oqytý úshin qomaqty qarajat bólýde. Bul rette túlekterdiń basym bóligi mamandyǵy boıynsha jumysqa ornalasa almaýda nemese basqa jumys istep júr.
Osyǵan baılanysty "Bilim týraly" QR Zańynyń 47-babyna memlekettik bilim tapsyrys negizinde bilim alǵan azamattar oqý ornyn bitirgennen keıin keminde úsh jyl mamandyǵy boıynsha jumyspen isteýge mindetti ekeni týraly jańa norma engiziledi.
Bul rette pedagogıkalyq jáne medıtsınalyq mamandyqtar boıynsha bilim alǵandardyń jumyspen óteýi jónindegi norma - osy zań jobasy qoldanysqa engizilgennen bastap, al basqa barlyq mamandyqtar boıynsha 2017 jylǵy 1 qańtardan bastap qoldanysqa engiziledi.
Aıta keteıik, jumys toby atalmysh zań jobasynyń 400-den astam túzetýler men usynystardy qarady. Olardyń kópshiligi boıynsha kelisilgen sheshim qabyldandy. Májilistiń barlyq komıtetteri zań jobasyna oń qorytyndylaryn berdi.