Grand Slam týrnırine qatysatyn Ulttyq qurama tizimine ózgeris engizildi

ASTANA. KAZINFORM – Halyqaralyq dzıýdo federatsııasy (IJF) Parıj qalasynda (Frantsııa) ótetin Grand Slam týrnırine qatysatyn balýandardyń tizimin jańartty.

Buǵan deıin aldyn ala tizimge Ábıba Ábýjaqynova engen edi. QR UOK málimetinshe, jańartylǵan tizim boıynsha, «Úlken Dýlyǵa» týrnırinde el namysyn 12 er sportshy qorǵaıdy.

Ulttyq quramanyń tizimi:

60 kelige deıin: Sherzod Davlatov, Aman Baqytjan

66 kelige deıin: Ǵusman Qyrǵyzbaev, Baýyrjan Narbaev

73 kelige deıin: Dastan Shaıahmetov, Eset Qýanov

81 kelige deıin: Abylaıhan Jubanazar, Ádilet Almat

90 kelige deıin: Aıdar Arapov

100 kelige deıin: Nurlyhan Sharhan, Marat Baıqamurov

100 keliden joǵary: Ǵalymjan Qyryqbaı

Aıta keteıik, týrnır 7-8 aqpan aralyǵynda ótedi.

Aıta keteıik, Qazaqstan tennısshisi, 17 jastaǵy Zańǵar Nurlanuly jasóspirimder arasynda Aýstralııa ashyq chempıonatynyń jartylaı fınalyna joldama aldy.