Grand Slam týrnırinde 7 aqpanda el quramasynan kimder shyǵady

ASTANA. KAZINFORM - Dzıýdodan Qazaqstan ulttyq quramasy sapynan Frantsııa astanasy Parıjde ótetin Grand Slam jarysynyń alǵashqy kúninde kimder baq synaıtyny belgili boldy.

Bul jóninde Qazaqstan dzıýdo federatsııasynyń baspasóz qyzmeti málim etti.

Jarystyń alǵashqy kúninde el namysyn Aman Baqytjan (60 keli), Sherzod Davlatov (60 keli), Ǵusman Qyrǵyzbaev (66 keli), Baýyrjan Narbaev (66 keli), Eset Qýanov (73 keli) jáne Dastan Shaıahmetov (73 keli) qorǵaıdy.

Sondaı-aq el quramasynan 81 kelide Abylaıhan Jubanazar men Ádilet Almat, 90 kelide Aıdar Arapov, 100 kelide Marat Baıkamýrov pen Nurlyhan Sharhan, 100 keliden joǵary salmaqta Ǵalymjan Qyryqbaı tatamıge shyǵady.

Erteń, 7 aqpan kúni Grand Slam jarysy Astana ýaqytymen saǵat 12:00-de bastalady. Fınaldar 21:00-ge josparlanǵan.

Álemdik dodaǵa 82 elden 529 dzıýdoshy qatysady dep josparlanǵan.

Atalǵan týrnır 7-8 aqpan aralyǵynda ótedi.