Grand Slam týrnırine qatysatyn qazaqstandyq dzıýdoshylar anyqtaldy
ASTANA. QazAqparat - Túrkııanyń Antalıa qalasynda ótetin dzıýdodan Grand Slam týrnıriniń kezekti kezeńine qatysatyn el quramasy belgili boldy, dep habarlaıdy QazAqparat tilshisi.
Halyqaralyq týrnır 31 naýryz jáne 2 sáýir aralyǵynda ótedi. Ulttyq quramanyń bapkerleri týrnırde synǵa túsetin sportshylar tizimin jarııalady.
Jarys barysynda erlerde Nurqanat Serikbaev, Sherzod Davlatov (60 keli), Eset Qýanov, Ǵusman Qyrǵyzbaev (66 keli), Danııar Shamshaev, Darhan Qoıbaǵarov (73 keli), Rýslan Musaev, Abylaıhan Jubanazar (81 keli), Aıdar Arapov, Dıdar Hamza (90 keli), Nurlyhan Sharhan (100 keli), Ǵalymjan Qyryqbaı, Ádil Orazbaev (100 keliden joǵary) tatamı tórinde taıtalasqa túsedi.
Al áıelderde Ǵalııa Tynbaeva (48 keli), Baqyt Qusaqbaeva (57 keli), Anastasııa Maıakova (70 keli), Roza Nysantaeva (70 keli), Kamıla Berliqash (78 keliden joǵary) óner kórsetedi.
Jarystyń fınaldyq kezdesýin «Qazsport» telearnasy kórsetedi.
Aıta keteıik, 7-9 sáýir kúnderi Almaty qalasynda Beket Mahmutovty eske alýǵa arnalǵan dzıýdodan jasóspirimder men jastar arasynda Azııa kýbogi ótedi.
