GRAND SLAM týrnıri: Qazaqstandyq dzıýdoshylar shetinen jeńilip jatyr
NUR-SULTAN. QazAqparat - Ázerbaıjan astanasy Bakýde ótip jatqan álemdik Grand Slam týrnırinde qazaqstandyq dzıýdoshylar jeńiliske ushyraýda. Keshe tatamıge shyqqan úsh balýanymyz da alǵashqy aınalymnan asqan joq dep, jazady Olympic.kz.
73 kelide Bakýdegi týrnırge eki qazaqstandyq sportshy attanǵan bolatyn. Ókinishke qaraı, Madııar Sembaev birinshi kezdesýinde moldovalyq Kornel Andresten, Janbolat Baǵytbergenov ázerbaıjandyq Telman Valıevten utyldy.
Qyzdar arasynda 63 kelide beldesken Aqnıet Turdan tatamı ıesi Dıana Shoranovadan aılasyn asyra alǵan joq.
Osylaısha, bul kúni úmit artqan qazaqstandyq dzıýdoshylar birinshi kezeńnen árige barmady.
