Grand Slam Tashkent-2026 týrnırine baratyn Qazaqstan quramasy anyqtaldy

ASTANA. KAZINFORM — Grand Slam-2026 resmı saıty Ózbekstan astanasy Tashkent qalasynda dzıýdodan ótetin halyqaralyq týrnırde baq synaıtyn qazaqstandyq balýandardyń tizimin jarııa etti.

Bedeldi básekede elimizdiń atynan erler quramasynda 13, áıelderde 1 sportshy tatamıge shyǵady.

Erler:

60 keli: Maǵjan Shamshadın, Talǵat Orynbasar

66 keli: Nurqanat Serikbaev, Aqyljan Jubatqanov

73 keli: Ańsarbek Gaınýllın, Ánýar Jumageldın

81 keli: Asqar Narqulov, Mádı Amangeldi

90 keli: Baraq Arqabaı

100 keli: Baqjan Baıtas, Beıbit Madeev

100 keli: Elaman Erǵalıev, Erasyl Qajybaev.

Áıelder:

78 keliden joǵary: Nazgúl Maratova.

Halyqaralyq Grand Slam Tashkent-2026 týrnıri Ózbekstan astanasyndaǵy «Hýmo Arenada» 27 aqpan men 1 naýryz aralyǵynda ótedi. Oǵan álemniń 40-tan astam elinen 380 sportshy qatysady dep josparlanyp otyr. Jarys IJF álemdik týrynyń mańyzdy bóligi bolyp tabylady. Onda álemdik reıtıng boıynsha upaı esepteledi. 

Eske salsaq, budan buryn Halyqaralyq dzıýdo federatsııasy (IJF) 6-8 naýryz aralyǵynda Avstrııanyń Lınts qalasynda ótetin gran-prı kezeńine qatysatyn sportshylardyń aldyn ala tizimin jarııalady.