«GRAND SLAM» saıysyna qatysatyn qazaqstandyq dzıýdoshylar anyqtaldy
ASTANA. QazAqparat - 18-19 shilde aralyǵynda Reseıdiń Túmen qalasynda ótetin «GRAND SLAM» halyqaralyq jarysyna baratyn sportshylarymyz belgili boldy. Oǵan elimizdiń erler ulttyq quramasynan 10 palýan qatysady, dep habarlanǵan QR dzıýdo federatsııasynyń saıtynda.
Sonymen, bul dúbirli dodada 60 keli salmaqta Aıbek Imashev pen Ashat Telmanov óner kórsetedi.
Al 66 kelide Ǵabıt Esimbetov pen Meıirjan Qaltaev baq synaıdy. Sondaı-aq Qaırat Aǵybaev (73 keli), Arman Mahambetov (81 keli), Eldar Záriphanov (81 keli), Maqsat Isaǵabylov (90 keli) synǵa túsedi.
100 keli salmaq dárejesinde Vıktor Demıanenko men Aıbek Serikbaev el namysyn qorǵaıdy. Aıta keteıik, «GRAND SLAM» jarysynda álemniń úzdik sportshylary baq synasady.
