Grand Prix týrnıri: Nııazymbetov eń úzdik boksshy
ASTANA. 18 naýryz. QazAqparat - Chehııada 13-16 naýryz aralyǵynda ótken halyqaralyq Grand Prix týrnırinde 16 elden qatysqan 82 sportshynyń arasynda jerlesimiz Ádilbek Nııazymbetov týrnırdegi eń úzdik boksshy atandy. Bul týraly kazboxing.kz habarlady.
Sonymen qatar, AIBA-nyń «3 juldyzdy tóreshisi» Nurbek Batyrov atalǵan jarystaǵy úzdik tóreshi atandy.
Eske sala keteıik, dodada el quramasy úsh altyn medal enshilep, jalpy esepte birinshi orynǵa turaqtady. Alǵashqy altyndy qorjynymyzǵa salǵan 52 keli salmaq dárejesinde óner kórsetetin Іlııas Súleımenov fınaldyq kezdesýde múmkindigin qalt jibergen joq. Odan keıin sharshy alańǵa shyqqan Ádilbek Nııazymbetov (81 keli) Gollandııa sportshysyn qapy qaldyrdy. +91 keli salmaq dárejesinde Ivan Dychko armenııalyq qarsylasynan basym túsip, bıikten kórindi.
Ókinishke qaraı, halyqaralyq jarysta komanda kapıtany Danııar Eleýsinov (69 keli) alǵashqy kezdesýde latvııalyq boksshyǵa 10:4 esebimen ese jiberse, 56 keli salmaqta synǵa túsken Qaırat Eralıev ekinshi kezdesýde súrinip, júldeden tys qaldy.
