Granatany qolynan túsirip alǵan qytaılyq sarbaz aman qaldy
ASTANA.QazAqparat - Qytaıdyń Sıan qalasyndaǵy áskerı oqý-jattyǵý ornynda sarbazdyń qateliginen granata jaryldy, dep habarlaıdy QazAqparat.
Qytaılyq china.com portalynyń habarlaýynsha, oqys oqıǵa ásker sapyna jańadan qosylǵan sarbazdardy granata laqtyrýǵa jattyqtyrý kezinde oryn alǵan. Jarylǵysh zattyń saqtandyrǵyshyn aǵytqan sarbaz, qolyndaǵy granatany kezdeısoq túsirip alǵan. Alaıda, jaǵdaıdy baqylap turǵan komandır jedel áreketke kelip, sarbazdy ólimnen arashalap qaldy.
Komandırdyń aıtýynsha, granata qoldan túsip ketken kezde, ol sarbazdy denesimen qorǵap qalýǵa árekettengen. Granata olardan 1 metr jerde jarylsa da, ekeýi din aman qaldy.
