Granatamen kóshede júrgenderdi ustaǵan kýrsanttar marapattaldy
ALMATY. QazAqparat – QR Qorǵanys mınıstriniń buıryǵymen Radıoelektronıka jáne baılanys áskerı-ınjenerlik ınstıtýtynyń eki kýrsanty tótenshe jaǵdaı kezinde kórsetken kásibıligi úshin II dárejeli «El qorǵany» vedomstvolyq medalimen marapattaldy, dep habarlaıdy QazAqparat tilshisi.
«Tótenshe jaǵdaı kezinde biz polıtsııa qyzmetkerlerimen birge qala kóshelerin patrýldeýge qatystyq jáne granata ustaǵan belgisiz bir adamdy qolǵa túsirdik. Muny erlik dep sanamaımyz. Óıtkeni bul – Qazaqstannyń árbir azamatynyń mindeti. Biz árqashan óz elimizdi qorǵaýǵa daıynbyz «, - dedi kýrsanttardyń biri Ersultan Bolat.
Eske salaıyq, osy jyldyń sáýir aıynda Radıoelektronıka jáne baılanys əskerı-ınjenerlik ınstıtýtynyń kýrsanttary Ersultan Bolat pen Azat Smaıyl Tóle bı-Saın kóshesinen qolynda granata bar er adamdy ustady.
Kýrsanttardyń aıtýynsha, olarǵa belgisiz azamat taıanyp, eki adamdy kórgenin, olardyń biriniń qolynda granataǵa uqsas zat bolǵanyn aıtqan. Áskerı qyzmetshiler atalǵan adamdardy quryqtaýǵa tyrysqanymen, olar qasha jónelgen. Kýrsanttar qýyp jetip, qolǵa túsirgen.
Kúdiktiler polıtsııaǵa tapsyrylyp, granata saraptamaǵa jiberildi. Keıin anyqtalǵandaı, olardyń biri buryn urlyq jáne tonaý əreketteri úshin sotty bolǵan.
