Gran-prı týrnıri: Frantsııada óner kórsetetin qazaqstandyqtar anyqtaldy

ASTANA. KAZINFORM – Qazaqstan quramasy kórkem gımnastıkadan Frantsııanyń Te qalasynda ótetin Gran-prı serııasynyń úshinshi kezeńine qatysady.

Jekeleı jattyǵýlar baǵdarlamasynda elimizdiń atynan Aqmaral Erekesheva óner kórsetedi.

QR UOK málimetinshe, sonymen qatar Qazaqstan toptyq jattyǵýlarda da baq synaıdy. Quramǵa Aıda Hákimjanova, Jasmın Júnisbaeva, Madına Myrzabaı, Aızere Keńes, Aızere Nurmaǵambetova jáne Krıstına Chepýlskaıa engizildi.

Frantsııadaǵy Gran-prı kezeńi 4-5 sáýir aralyǵynda ótedi.

Aıta keteıik, Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda el quramasynan 2 sáýirde Ertýǵan Zeınýllınov (65 keli) sharshy alańǵa shyǵady.