Gran-prı: Elızabet Tursynbaeva alǵashqy bestikte
ASTANA. QazAqparat - Frantsııanyń Grenobl qalasynda mánerlep syrǵanaýdan ótip jatqan Gran-prıdiń besinshi kezeńinde áıelder arasynda júldegerler belgili boldy, dep habarlaıdy «QazAqparat» tilshisi.
Reseılikter Alına Zagıtova (213,80 ball) men Marııa Sotskova (208,78) alǵashqy eki oryndy ıelense, kanadalyq Keıtlın Osmond (206,77) úzdik úshtikti túıindedi. Bulardyń úsheýi de Gran-prı fınalynda óner kórsetý múmkindigine ıe boldy.
Qysqa jáne erkin baǵdarlamadan keıin 200,98 ball jınaǵan qazaqstandyq Elızabet Tursynbaeva júldeli orynǵa qol sozym ǵana jetpeı, besinshi orynǵa taban tiredi. Bul da joǵary nátıje deýge bolady.
Aıta keteıik, munyń aldynda Mınskide ótken Chellendjer týrnırinde Elızabet top jaryp, altyn júldeni ıelengen bolatyn. E.Tursynbaeva úshin basty maqsat aldaǵy jyly Ońtústik Koreıanyń Phenchhan qalasynda ótetin qysqy olımpıada oıyndarynda sátti óner kórsetý ekendigi belgili.
