Grammy músinshesi Imanbek Zeıkenovtiń qolyna 7 aıdan soń tıdi
NUR-SULTAN. QazAqparat – Qazaqstandyq mýzykant Imanbek Zeıkenov Grammy syılyǵynyń músinshesin aldy, ony Los-Andjelesten jetkizip berdi. Ol marapatyn resmı jarııalanǵannan keıin 7 aı ótken soń qolyna aldy, dep habarlaıdy QazAqparat mýzykanttyń Instagram Stories-ine silteme jasap.
Dıdjeı jáne saýnd-prodıýser músinsheni alyp jatqan vıdeosyn Instagram Stories-ge salǵan. Sondaı-aq, Imanbek músinsheni qolyna ustap turǵan sýretin júktegen.
Eske salaıyq, qazaqstandyq mýzykant Imanbek Zeıkenov (Imanbek) 15 naýryzda mýzyka salasynda eń bedeldi Grammy syılyǵyn jeńip alǵan bolatyn.
Reper Saint Jhn-niń Roses tregine jasaǵan remıksi bıyl álemniń túpkir-túpkirinde qoıyldy. Sondaı-aq, ol AQSh-taǵy álemdik deńgeıdegi Billboard Music Awards syılyǵynyń ıegeri atandy. Odan bólek, Reseıdiń GQ jýralynyń jyl saıynǵy syılyǵynda «Jyl jańalyǵy» atalymynda jeńiske jetti.
