"Govorıt Moskva" radıosynyń júrgizýshileri demalyssyz jáne uıqysyz tikeleı efırde 53 saǵat boıy jumys istep, álemdik rekord ornatty
ASTANA. 6 sáýir. QazAqparat - "Govorıt Moskva" radıosynyń júrgizýshileri Sergeı Vorobev pen Igor Rıabov demalyssyz jáne uıqysyz tikeleı efırde 53 saǵat boıy jumys istep, álemdik rekord ornatty. Bul týraly radıonyń baspasóz qyzmeti habarlady, dep jazdy ITAR-TASS.
«Govorıt Moskva» radıosynyń júrgizýshileri Sergeı Vorobev pen Igor Rıabov sáýirdiń 2-nen 4-ne deıin tikeleı efırde 53 saǵat boıy demalyssyz jáne uıqysyz jumys istedi. Olardyń rekordy «eń uzaqqa jalǵasqan toptyq radıo tok-shoý» retinde Gınnestiń rekordtar kitabyna enedi», - dep habarlady radıonyń baspasóz qyzmeti.
Radıostansanyń efırine birneshe kún qalǵanda oǵan tanymal reseılik ártister men ánshiler kelgen. Sol kúnderi jańa álemdik rekordty ornatýǵa arnalǵan synaýdyń barysyn tek "Govorıt Moskva" efırinde ǵana emes, radıonyń resmı saıtynan da baqylaýǵa boldy.
