Gospıtaldar vaktsına saldyryp, ólim aýzynda jatqan adamdarǵa toly - feık
NUR-SULTAN. QazAqparat - Qazaqstandyq Telegram-kanalda COVID-gospıtaldar KVI-ǵa qarsy vaktsına alǵan jaǵdaıy aýyr jáne ólim aýzynda jatqan adamdarǵa toly ekendigi týraly habarlama paıda boldy. Bul aqparatty QR Densaýlyq saqtaý mınıstrligi joqqa shyǵardy. Bul týraly QazAqparat stopfake.kz saıtyna silteme jasap habarlaıdy.
Qazaqstanda egilgen adamdar arasynda COVID-19 juqtyrý oqıǵalary tirkelip jatqany ras. Olardyń sany óte az.
– Qazaqstanda vaktsına alǵan 3 246 795 adamnyń 0.05%-y COVID-19-men aýyrǵan, – dep habarlady QR Densaýlyq saqtaý mınıstrligi.
Sondaı-aq, vedomstvodaǵylar indetti juqtyrý jaǵdaılarynyń kóbi preparattyń tek bir ǵana dozasyn alýǵa úlgergender arasynda tirkelgenin atap ótti, ıaǵnı KVI-ge qarsy ımmýnıtet áli tolyq qalyptaspaǵan.
Buǵan deıin vaktsına saldyrǵandar arasynda KVI juqtyrý jaǵdaılary týraly jazǵan bolatynbyz. Mundaı qubylystar jıi bola bermeıdi. Mysaly, AQSh-ta aýrýlardy baqylaý jáne aldyn alý ortalyǵynyń derekteri boıynsha bıylǵy jyldyń 21 maýsymynda vaktsına alǵan adamdar arasynda indetti juqtyrýdyń 4 115 jaǵdaıy tirkelgen. Bul sol kezde egilgen adamdardyń jalpy sanynyń 0.002% quraıdy.
Bul kórsetkishter vaktsınalardyń málimdelgen tıimdiligine sáıkes keledi. Pfizer/BioNTech preparaty úshin ol 91%, Moderna – 94%, AstraZeneca – 74%, Spýtnık V – 92%, Sınofarm (Hayat-Vax) – 73% quraıdy.
Qoryta aıtqanda, qazaqstandyq gospıtaldar COVID-19-ǵa qarsy egilgen ólim aýzynda jatqan jáne jaǵdaıy aýyr naýqastarǵa toly bola almaıdy. Elde indetti juqtyrǵan vaktsınatsııalanǵan adamdar sany óte az.
