Ǵosman Ámrın Májilis spıkeriniń qaljyńyna ilikti
ASTANA. QazAqparat - QR Parlamenti Májilisiniń Tóraǵasy Nurlan Nyǵmatýlın QR Qarjy mınıstrliginiń Memlekettik kirister komıteti basshysynyń orynbasary Ǵosman Ámrınge qaljyń aıtty, dep habarlaıdy QazAqparat.
«Ǵosman Kárimuly, myna jerde men bolmaǵan kezde sizdi «Aq joldyń» qataryna qosylyp kete jazdady deıdi. Múmkin, bir jaǵynan solaı bolýy qajet te shyǵar. Sol kezde keden bıznesmenderge jaqyndaı túser edi. Azat Perýashev múmkin bul máseleni qarastyrar. Jalpy, zań jobasy óte mańyzdy. Sondyqtan endigi ýaqytta Qarjy mınıstrligi men keden organdary osy zań jobasyndaǵy normalardy basshylyqqa alar dep senemiz»,- dep qaljyńdady Májilis spıkeri.
Aıta keterligi, búgin depýtattar «QR-daǵy kedendik retteýler týraly» zań jobasy men oǵan ilespe zań jobasyn maquldaǵan bolatyn.
Osy oraıda Nurlan Nyǵmatýlın atalǵan qujattyń talaptarǵa sáıkes ázirlengenin, eksport-ımportty retteý úshin barlyq jaǵdaı jasalǵanyn atap ótti.
«Búgin biz maquldaǵan zań jobasynyń nátıjesinde syrtqy ekonomıkalyq qyzmetpen aınalysatyn kásiporyndardyń qyzmetteri aıtarlyqtaı jeńildeıtin bolady. Osylaısha, bizdiń oıymyzsha, eksport ósimi úshin jaǵdaı jasalyp, ımport taýarlardy jetkizý jeńildetiletin bolady. Ǵosman Kárimuly, endigi eń basty jáne mańyzdysy - keden organdarynyń durys ákimshilenýi, barlyq máselelerde Keden kodeksinde, sonymen qatar ilespe zańda aıqyndalǵan zań aıasynda áreket etýi tıis»,- dedi Nurlan Nyǵmatýlın Memlekettik kirister komıteti basshysynyń orynbasary Ámrınge qarata.
