Gorbachev 85 jyldyǵyn otbasy men dostarynyń ortasynda atap ótedi
ASTANA. QazAqparat - KSRO-nyń tuńǵysh prezıdenti Mıhaıl Gorbachev 85 jasqa tolady. Ol óz mereıtoıyn dostary men otbasy músheleriniń ortasynda atap ótpekshi.
Oǵan saıasatkerler, synyptastary, qaıta qurý kezeńindegi jaqtastary, jalpy alǵanda 150-ge jýyq adam qatysady, dep habarlady RIA Novostı.
Budan buryn «Gorbachev-qorynyń» baspasózben baılanys bóliminiń basshysy Pavel Palajchenko málimdegendeı, mereıtoıyn saıasatker dostarynyń ortasynda atap ótedi.
«Shamamen 140-150 adam shaqyrylǵan. Bul shara «Gorbachev-qorda» emes, basqa yńǵaıly orynda ótedi. Oǵan saıasatkerler, synyptastary, jýrnalıster, qor qyzmetkerleri, qaıta qurý jyldaryndaǵy jaqtastary qatysady», - dedi Palajchenko. Ol qonaqqa aralas-quralas, et jaqyn adamdardy shaqyrǵandyǵyn atap ótti.
Gorbachev KSRO-nyń tuńǵysh jáne sońǵy prezıdenti. Onyń basshylyq kezeńi geosaıası maǵynada mańyzdy oqıǵalar: «sýyq soǵystyń» aıaqtalýymen, Aýǵanstannan keńes áskerlerin shyǵarýmen, Keńes odaǵynyń ydyraýymen este qaldy.
1990 jyly Gorbachev Nobel syılyǵynyń laýreaty atandy.
