Google zııandy habarlama tarap jatqany týraly eskertti
ASTANA. QazAqparat - Google kompanııasy álemdegi barlyq qoldanýshylarǵa Gmail poshtalyq servısi arqyly Google Docs túrinde fıshıngtik habarlama jiberilip jatqany týraly eskertti. Bul týraly atalmysh kompanııa Twitter-de jarııalady, dep habarlaıdy Rosbalt.
«Biz Google Docs túrindegi fıshıngtik habarlamalardy tekserip jatyrmyz. Biz mundaı habarlamalardy ashpastan, fıshıng týraly habarlaý batyrmasyn basýdy suraımyz», - delingen habarlamada.
The Verge qaskúnemderdiń qoldanýshylarǵa olar tanıtyn adamdardyń atynan habarlama jiberip otyrǵanyn aıtýda. Keıin jiberilgen siltemege kirgen kezde, hattar men Google Docs dep atalatyn baǵdarlamanyń mekenjaı kitabyna ruqsat berý usynylady. Alaıda, zııandy siltemege kirgen jaǵdaıda, qaskúnemder basqa qosymshalar arqyly akkaýntty paıdalana alady.
