Google jabyq saıttardy qoljetimdi etpek
ASTANA. 23 qazan. QazAqparat - Google kompanııasy óziniń ınternet-braýzeri Chrome úshin uProxy qosymshasyn ázirledi. Ol arqyly ınternet paıdalanýshylar elde belgili bir sebeptermen jabyq turǵan saıttarǵa esh kedergisiz qosyla alady. Bul týraly sheteldik BAQ habarlady.
Bul turǵyda peer-to-peer (eki server arasyn tikeleı baılanystyryp, aqparat almasý) tehnologııasy paıdalanylmaq, ıaǵnı basqa elderdegi dostardyń kómegimen ınternet-resýrstarǵa emin-erkin qosylýǵa bolady.
Atalǵan qosymsha Facebook áleýmettik jelisi boıynsha dostardy taýyp otyrady. Alynatyn aqparat shıfrlanyp otyrady, sonymen qatar ınternet paıdalanýshynyń dál osy qosymsha arqyly kirip otyrǵandyǵyn tıisti ańdý quraldarymen anyqtaý múmkin bolmaıdy eken.
Mamandardyń paıymynsha, bul qosymshanyń arqasynda ınternet-resýrstarǵa shekteý qoıylǵan Qytaı jáne Iran sekildi elderdegi saıası belsendiler esh kedergisiz kez kelgen saıttarǵa qosyla alady.
