Google, ıAndeks sarapshylary almatylyq kásipkerlerdi ınternet saýdasyna úıretedi

ALMATY. QazAqparat - Google jáne ıAndeks kompanııalarynyń sarapshylary almatylyq kásipkerlermen tájirbıe bólisedi, dep habarlaıdy QazAqparat tilshisi.

QR Ulttyq kitaphanasynda Almaty kásipkerler palatasy álemdik jáne qazaqstandyq kompanııa sarapshylary dáris beretin «Digital marketing workshop» ınternet-marketıng sabaqtaryn bastady. Sharanyń ashylýynda sóz alǵan Almaty kásipkerler palatasynyń dırektory ıÝrıı Tileýmuratov kásipkerler úshin semınar tegin uıymdastyrylyp otyrǵanyn aıtty.
«Almaty kásipkerler palatasy «Atameken» UKP-sy da kásipkerlerge konsaltıngtik qoldaý qajettigine kóz jetkizdi. Bızneske marketologtardyń kómegi qajet. Sondyqtan, marketıng boıynsha saýattylyq arttyrýǵa arnalǵan 6 jobamyz bar. Almaty kásipkerler palatasynda 15 marketolog kómek kórsetedi. Sonymen qatar, biz marketologtar klýbyn ashtyq. «Digitalmarketing workshop» baǵdarlamasyn biz birqatar áriptesterimizben birge uıymdastyryp otyrmyz. Semınar 7-8 modýlden turady. 2 aı sabaqtar ótedi, ár aptanyń juma kúnderi jınalady. «Google», «ıAndeks» kompanııalary ókilderi dáris beredi. Qazirgi ýaqytty «Maıkrasoft» kompanııasy sarapshylaryn jobamyzǵa shaqyryp otyrmyz. Biz ınternet saýdasy boıynsha kásipkerlerdiń bilimin kótergimiz keledi», - dedi ıÝrıı Tileýmuratov.
Onyń aıtýynsha, qarasha aıynda qatysýshylardyń ekinshi toby úshin sabaqtar bastalady.
«Sabaqtarǵa qatysý tegin. Adamdardy irikteýde shekteý joq. Biraq negizinen kásipkerler qatysýǵa ótinish bildirdi. Bul sabaqtardy aldaǵy ýaqytta Astana, Qaraǵandy, Shymkent qalalarynda uıymdastyrý josparda bar», - dedi ol.
«Digital Marketing workshop» jobasyna «Kazteleport» AQ, «Vıdeo-Interneshnl Kazahstan», «Select Communication Group», «Vi Digital Kazahstan», «Klıkobılıe», «Mastersite», «ApexInteractive Kazahstan» jáne «Great Create» kompanııalary áriptes bolyp otyr.