Google vıtse-prezıdenti Alan ıÝstas 41 shaqyrymdyq bıiktikten parashıýt arqyly sekirdi
ASTANA. QazAqparat - Google vıtse-prezıdenti Alan ıÝstas 41 shaqyrymdyq bıiktikten parashıýt arqyly sekirip, avstrııalyq Felıks Baýmgartnerdiń álemdik rekordyn jańartty.
Rekord Nıý-Meksıko shtatynda ornady. ıÝstastyń moıyndaýynsha, stratosfer arqyly sekirý týraly sheshimdi ol 2011 jyly qabyldap, úsh jyl boıy daıyndalǵan. Gelıımen toltyrylǵan áýe sharyna bekitilgen arnaıy kapsýlada stratosferge eki saǵattaı ýaqytta jetken ol birneshe mınýttan soń sekirdi. ıÝstastyń jyldamdyǵy saǵatyna 1287 shaqyrymǵa jetti. Al arnaıy tehnologııamen jasalǵan parashıýt jerge 5,5 shaqyrym qalǵanda ashyldy. Quldılaý nebári 15 mınýtqa sozyldy. Google vıtse-prezıdenti áýe shary qonǵan aýmaqtan 100 shaqyrymdaı qashyqtyqta jerge aman-esen tústi, dep habarlaıdy Newsru.com.
Budan buryn 2012 jylǵy 14 qazanda rekord jasaǵan Felıks Baýmgartner arnaıy kapsýlamen 39,45 myń metr bıiktikke kóterilgen bolatyn. Onyń erkin qulaýy 4 mınýt 20 sekýndqa sozylǵan edi.
