«Google» uıaly baılanys operatory bolýǵa nıetti
ASTANA. QazAqparat - «Google» korporatsııasy bıznestiń jańa baǵytyn ıgerýge nıetti. Bul týraly osy máseleniń mán-jaıymen tanys adamdarǵa silteme jasap «The Information» habarlady.
Atap aıtqanda, ınternet-kompanııa AQSh aýmaǵynda uıaly baılanys qyzmetin júzege asyrýǵa bel býyp otyr.
Basylymnyń jazýynsha, «Google» korporatsııasy AT&T jáne Verizon sekildi amerıkalyq iri provaıderlerdiń jelilik syıymdylyǵyn jalǵa ala otyryp, vırtýaldyq operator modelin paıdalanbaq.
Qazirgi kezde «Google» óziniń uıaly baılanys qyzmeti úshin tutynýshylarǵa qandaı tarıfti bekitetindigi jaıynda naqty aqparat joq.
